Það er ekkert í körfunni.
Leita
Filters

Skilmálar

Við erum lagerlaus netverslun. Við sækjum allar vörur, hvort sem er erlendis eða hérlendis og látum þig vita þegar þær eru komnar.

Almennt

Seljandi er Fíkus.is, kt. 640708 - 0340, Flugumýri 30,  Mosfellsbær. Kaupandi er sá aðili sem er skráður kaupandi á reikningi.  Kaupandi verður að vera orðinn fjárráða til þess að eiga viðskipti á vefsvæði Fikus.is

 

Eftirfarandi skilmálar gilda um viðskipti seljanda og kaupanda svo og um notkun á vefversluninni Fikus.is. Skilmálarnir skilgreina réttindi og skyldur seljanda annars vegar og kaupanda hins vegar. Þegar sérstökum ákvæðum þessara skilmála sleppir gilda um viðskiptin lög um neytendakaup nr. 48/2003.

 

Allar upplýsingar á vefnum eru með fyrirvara um prentvillur, verðbreytingar og birgðastöðu.

 

1. Skilafrestur og endurgreiðslu­réttur

Skilafrestur er 14 dagar, þ.e. hafi kaupandi keypt vöruna í gegnum Fikus.is hefur hann 14 daga til að hætta við kaup á vöru að því tilskildu að hann hafi ekki notað vöruna, henni sé skilað í góðu lagi og í óuppteknum upprunalegum umbúðum. Ef vara er innsigluð má ekki rjúfa innsiglið. Fresturinn byrjar að líða þegar varan er afhent skráðum móttakanda. Kvittun fyrir vörukaupunum þarf að fylgja með ef endurgreiðsla á að eiga sér stað.

Ef um vöru á útsölu er að ræða fellur þó allur skilaréttur niður.  Endurgreiðsla er framkvæmd að fullu ef ofangreind skilyrði eru uppfyllt og eftir að seljandi hefur móttekið vöru aftur. Flutnings- og póstburðargjöld eru ekki endurgreidd. Upphæð endurgreiðslu skal vera það verð sem kemur fram á pöntunarstaðfes­tingu.

 

2. Pöntun

Þegar kaupandi hefur staðfest pöntun á vefsvæðinu Fikus.is telst hún bindandi milli aðila. Seljandi sendir kaupanda pöntunarstaðfes­tingu um leið og pöntun er skráð að því gefnu að kaupandi hafi réttilega gefið upp netfang sitt. Kaupandi er hvattur til að kanna sérstaklega hvort pöntunarstaðfesting sem berst honum frá seljanda sé í samræmi við pöntun hans.

Þegar kaupandi velur að sækja vöru til Fíkus er líftími viðkomandi pöntunar 7 dagar. Að 7 dögum liðnum fellur pöntunin úr gildi.

 

3. Upplýsingar um vöru

Upplýsingar um vörur eru settar fram eftir bestu vitund seljanda hverju sinni. Í framsetningu upplýsinga gerir seljandi fyrirvara um bilanir, birtingar- og/eða innsláttarvillur í myndum og texta.

 

4. Verð

Seljandi áskilur sér rétt til að breyta verði á vöru án fyrirvara en verð eru almennt breytileg vegna samkeppni og verðbreytinga birgja. Það verð gildir er fram kemur á pöntunarstaðfes­tingu kaupanda hverju sinni.

 

5. Greiðsla

Kaupandi getur innt af hendi greiðslu með greiðslukorti, bankamillifærslu eða raðgreiðslusamningi. Ef greiðsla berst ekki áskilur seljandi sér rétt til að fella niður pöntunina án frekari tilkynninga. Velji kaupandi að greiða með bankamillifærslu eru vörur teknar frá þar til greiðsla berst til seljanda.  

 

6. Afhending á vöru

Ef vara er til á lager og pöntun berst fyrir kl. 15 fer vara samdægurs.  Ef vara er ekki til á lager mun sölumaður hafa samband.  Sérpantaðri vöru fæst ekki skilað.

 

7. Móttaka vöru

Kaupandi skal við móttöku vöru athuga án tafar og innan eðlilegra tímamarka hvort varan sé ógölluð og í samræmi við pöntunarstaðfes­tingu og vörulýsingu. Þá skal kaupandi kanna hvort um sé að ræða skemmdir á vörunni tilkomnar vegna flutnings.

Viðskiptavinur hefur 14 daga til að ganga úr skugga um að vara sé óskemmd vegna flutnings.

 

8. Almennt

Fíkus.is áskilur sér rétt til að hætta við pantanir, t.d. vegna rangra verðupplýsinga, og breyta verði eða hætta að bjóða upp á vöru fyrirvaralaust. Verði seljandi fyrir óviðráðanlegu ytra atviki, svo sem náttúruhamförum, verkfalli eða þessu líkt, er seljanda heimilt að fresta efndum sínum eða falla frá kaupunum.